Silencios

Posted by franciscocastro - 26/06/17 at 02:06 p.m.

Estarei volvéndome vello, pero estiven atento ao inicio da comparecencia de Bárcenas na comisión do Congreso.Moi amable e cordial, abriu o micro para dicirlle ás súas señorías, que non ía dicir nada. Esbozou un sorriso de bo veciño e alí quedou, tan pancho e caladiño.

Silencio.

O Tribunal de Cuentas, hoxe, en Madrid, ditaminou que quedaba pechado o caso da venda de pisos públicos a un Fondo Buitre durante a época de Ana Botella (que obsceno me parece iso de falar con normalidade de “Fondos Buitre”, “Banco Malo”…) así que decreta o “carpetazo” e que non hai caso e que aquí, a calar.

Silencio.

Polo banquillo da Gürtel pasa a plana  maior do PP da época Aznar. Todos din o mesmo: no me acuerdo, yo que sé, hace mucho de eso, no tengo  memoria.

Silencio.

Moitos silencios.

Nun país, por certo, de xente calada…

Deixa unha resposta