A canción do náufrago

Canto político burro… Aquí.

Que ninguén esqueza que ao PP se lle concedeu a maioría absoluta. Que ninguén esqueza que, se hoxe houber eleccións, volverían gañar. Que ninguén esqueza que hai moita xente que non dá entendido que hai outras opcións políticas. Daquela, merecemos o que nos pasa. Aquí.

Os que nos gobernan están roubándonos o estado de benestar, o noso longo dereito pelexado durante séculos. Pero semella que o aceptamos como inevitable. Os que tiñan que gardar os nosos cartos roubáronlle os seus á xente e, en moitos aspectos, a todos. Pero semella que hai que aceptalo como inevitable. Cando resulta que non. […]

O pasado sábado entregábanse os premios dos escritores e escritoras de Galicia. Por vez primeira na historia, e a pesar de ter sido convidados formalmente, nin un só representante do goberno galego, nin un só, acodiu a gala. Deixáronnos sós. Igual é que non nos queren. Aquí.

Este goberno personicida déixanos sen sanidade. E castiga vilmente aos inmigrantes negándolles máis aínda. Quérenos mortos. Porque son coma boitres. Perdemos a civilización. Aquí.

No 1º de maio, eu acórdome de todos eses que vedes aí na foto. Aos que, sen dúbida, importa un pemento a situación da clase traballadora. Dirán o contrario, pero impórtalles un pemento. Mais a historia vai deixalos no seu lugar. No lugar máis fedorento da historia. Aquí.