‘O SEGREDO DE MARCO POLO’ FINALISTA DO FREI MARTÍN SARMIENTO

Posted by franciscocastro - 16/09/11 at 02:09 p.m.

Hoxe recibín a grata nova de que o meu ‘O segredo de Marco Polo’ vén de ser elixido finalista da VIII Edición do Premio Frei Martín Sarmiento, un dos máis lindos que hai neste país porque é concedido por milleiros de escolares de toda Galicia.

Gañeino noutras edicións con Un bosque cheo de faias, O ceo dos afogados e Chamádeme Simbad. E sempre a emoción foi a mesma. Grande. Un pracer enorme.

Nesta ocasión o libro está seleccionado na quinta categoría, é dicir, a correspondente a 3º e 4º da ESO e Bacharelato. Terá que competir con dúas excelentes obras como son Menú de enganos, de Manuel Núñez Singala e Settecento de Marcos Calveiro.

E como estou contento, comparto isto con vós.

Os comentarios están pechados.