ESTE VENRES RECITAREI EN VIGO

Posted by franciscocastro - 09/03/11 at 03:03 p.m.

Este venres, ás 20 horas, na Casa Galega da Cultura e convidado por esa grande entre as grandes que é María do Carmo Kruckenberg, estarei recitando uns poemas que hai un par de anos escribín co gallo do nacemento da miña filla pequena e que saíron publicados nuns singulares libros de poesía que edita coordenados por Carmo, Comisións Obreiras e no que teñen participado poetas tan interesantes como Luz Pozo Garza ou Dores Tembrás. Logo de dez anos esa colección de libros chega á súa fin e o venres Carmo quere facer unha especie de despedida. Só recitarán, coma sempre, mulleres. E como noutras excepcións, eu serei o único home afortunado.

Espero vervos a todas e a todos.

Os comentarios están pechados.