¿PERO POR QUE ESCRIBIREI EU NOVELAS?

Posted by franciscocastro - 06/04/10 at 09:04 p.m.

Estes días, na editorial, temos unha nova novela miña en pre-produción. A ilusión é moi grande. En semanas estará nas librerías. Xa falaremos.

Porque, do que quero de verdade falar, é sobre unha pregunta que me leva comendo o siso dende hai un par de días, e non é outra que a sempiterna por que escribirei eu novelas, coa de escritores boísimos que hai por aí.

Digo isto porque, nos últimos días, en todas as teles está Cristian Gálvez falando do seu novo libro, Xavier Sardá do seu, e Fran El Sevilla outro tanto. Dito doutro xeito, ¿como hei competir eu contra tanto talento? Porque vendo a de páxinas que, por exemplo, os medios escritos do meu país lles dedican ás súas obras literarias, xa me queda clarísimo que eles son uns fenómenos, e eu, un pobriño escritor de noveliñas galeguiñas pequeniñas.

Os comentarios están pechados.