FALEMOS DE VIAGRA E DE SILICONA
Posted by franciscocastro - 23/02/10 at 10:02 p.m.
Un bo amigo fíxome chegar estas declaracións do oncólogo brasileiro, e premio Nobel de Medicina, Drauzio Varella. Imaxino que son ese tipo de cousas que andan polos correos arriba e abaixo e que van pasando duns a outros. Polo xeral, non os atendo e borro sen ler. Neste caso, alégrame telas lido.
Coido que explican perfectamente o que é o xénero humano. A nosa parvura. A nosa hipocrisía. A nosa irresponsabilidade. A falacia de tantos e tantos discursos políticos. O trunfo absoluto da sen razón:
«No mundo actual, estase investindo cinco veces máis en medicamentos para a virilidade masculina e silicona para mulleres, que na cura do Alzheimer. De aquí a algúns anos, teremos vellas de tetas grandes e vellos co pene duro, pero ningún deles lembrará para que sirven».
Febreiro 24th, 2010 at 11:18 a.m.
Encántame a reflexión, mais antes xa había algo diso, moitos de nós (ou dos nosos conxéneres) temos a cabeza para exibir penteados ou cores impossiveis, mas non sabemos nin que hai algo dentro chamado cérebro, e en quanto a usalo…
Febreiro 24th, 2010 at 11:23 a.m.
Grande reflexión, canta razón.
Pena que non semelle ter fin esta cultura do quéroo xa e sin esforzo. Ande vamos a parir…
Febreiro 24th, 2010 at 11:52 a.m.
Canta razón e lucidez no teu comentario, náufrago.
Léndote, lembro aos meus avós, dous vellos que souberon aceptar os anos e envellecer con dignidade. Grazas á memoria, ao milagre da memoria, preservaron intacta a ilusión e o recendo dos seus anos mozos, e seguían, sen necesidade de tetas de primeira nin pene enarborado, amándose, bicándose e apalpándose ás agachadas polos corredores coma nenos travesos. Grazas á memoria.
Febreiro 28th, 2010 at 6:08 p.m.
Unha frase moi atinada. Esta é a sociedade do S. XXI, escrava da estética por riba doutros valores.
Febreiro 28th, 2010 at 10:02 p.m.
Escrava e escravizante…