QUERO COMO EN CATALUÑA

Posted by franciscocastro - 16/01/10 at 10:01 p.m.

Xa falei disto, varias veces. Do efecto positivo que ten a dobraxe en galego sobre a lingua e a súa normalidade.

Mais hoxe volvo, para declarar que quero que aquí se fagan as cousas como en Cataluña, onde o seu parlamento ven de aprobar a Lei do Cinema, que obriga a que todos os DVDs que se distribúan en Cataluña deben ter menús, dobraxe e subtítulos tamén en castelán. É importante o adverbio, para que os pesados de sempre non nos veñan co discurso trapalleiro da imposición.

Non pasaría nada se o parlamento galego aprobase tal lei. Os gastos correrían pola conta das produtoras, que non ían deixar o mercado galego desatendido por iso. A nós non nos custaría un pataco. O galego sairía beneficiado. E aos que quixeran escoitalo en castelán, ou finés, ou inglés, ou en portugués ou en albano-cosovar ou en calquera lingua agás na nosa, con non activar esa opción, pois xa o evitan e non se contaminan.

Daquela, a pregunta obvia: ¿por que non se fai unha lei así, que a ninguén prexudica e a tantos e a tantos niveis beneficia?

This entry was posted on Sábado, Xaneiro 16th, 2010 at|This entry was posted on the_time at the_time 10:25 p.m. and is filed under Xeral. The entry is tagged under You can follow any responses to this entry through the RSS 2.0 feed. Responses are currently closed, but you can trackback from your own site.