A POESÍA PARA SEDUCIR

Posted by franciscocastro - 19/04/08 at 11:04 p.m.

Agora, sábado á noite, paso por Spiderman 2 na tele. Un científico, antes de se converter no malo malísimo – Octopus – dálle un consello a Peter Parker – Spiderman – sobre as mulleres e o amor: Se de verdade queres namorar unha muller, dálles poesía. Nunca falla.
En O carteiro e Pablo Neruda, Beatrice Russo, a guapa guapísima, namoraba de Mario Ruoppolo, o normal normalísimo, porque o carteiro lle recitaba poemas de Neruda como se fosen seus. A moza acendíase de tal maneira que non podía deixar de querelo.
Cyrano de Bergerac namoraba, aínda que o froito gozábao outro, á súa prima, guapa guapísima, a través das fermosas palabras da poesía amorosa.
Que será o que ten a poesía. Que será.

Os comentarios están pechados.