OS ESCRITORES E AS SÚAS MISERIAS

Posted by franciscocastro - 16/02/07 at 02:02 p.m.

Leo, nunha reportaxe sobre os 60 anos da CIA ( xa saben: eses dos que agora se fala tanto por ese costume de secuestrar cidadáns noutros países, metelos nun avión e torturalos pasándose os Dereitos Humanos por ese sitio ) que no seu día dedicáronse a reclutar escritores para a causa. Entre outros, a George Orwell. Como contrapartida, os seus libros acaparaban as mellores críticas e beneficiábanse dunha enorme difusión en revistas subvencionadas por Washinton para promover o estilo de vida ianqui.
Sinceramente, é difícil de entender como o autor dunha novela tan lúcida coma 1984, puido prestarse a unha cousa así. Os escritores, incluso os que admiramos, tamén teñen as súas miserias.

Os comentarios están pechados.